ང་ཚོ་འགྲོ་བསྐྱོད་བྱེད་སའི་གནམ་གྲུ་དེ་ཞོགས་པའི་ཆུ་ཚོད་ ༡༠ ཡིན་དུས་ཆུ་ཚོད་བརྒྱད་དང་ཕྱེད་ཀའི་ཐོག་ཤི་ལོང་གི་གནམ་གྲུ་འབབ་ཚུགས་སུ་འབྱོར་སོང་། དེའི་སྐབས་སུ་ང་ཚོ་འགྲོ་སའི་གནམ་གྲུ་དེ་གནས་ཚུལ་གྱི་རྐྱེན་པས་འཕུར་བསྐྱོད་བྱེད་མ་ཐུབ་པར་བརྟེན། གནམ་གྲུ་གཞན་པ་ཞིག་གི་ནང་དུ་ཆུ་ཚོད་ ༡༢ དང་སྐར་མ་༤༥ ཡི་ཐོག་བྷག་ཌོ་ར་(སྐྱཎཐྲརྟྣཔྱཎ)བརྒྱུད་དེ་བསྐྱོད་པས་ཉིན་རྒྱབ་ཀྱི་ཆུ་ཚོད་གཉིས་པར་གྷོ་ཧ་ཀྲིར་འབྱོར་ཐུབ་པ་བྱུང་།
(ཁོང་ལ་གཞོན་སྐྱེས་གཉིས་ཀྱི་དབྱིན་སྐད་ཐོག་དྲི་བ་མི་འདྲ་བ་གཉིས་གནང་བ་དེས་ང་ཚོར་སེམས་ཤུགས་གསར་པ་ཞིག་བྱིན་ཡོད་པ་ནི་ཁྱེད་ཀྱི་གཤམ་དུ་ཡོད་པའི་བརྙན་འཕྲིན་ཐོག་གཟིགས་ན་མཁྱེན་གསལ་རེད།)
ཚོགས་འདུ་གྲོལ་ཚར་བའི་རྗེས་ང་ཚོར་དུས་ཚོད་མི་ཉུང་བ་ཞིག་ཡོད་པར་བརྟེན། སྐུ་ངོ་མཆོག་ཁྲོམ་སའི་བསྟི་གནས་སུ་ཡོད་པའི་བོད་མི་ཚོ་དང་ཚོང་ཁང་སོགས་སུ་དངོས་སུ་ཕེབས་ནས་ཐུག་འཕྲད་གནང་ཡོད། ཁོང་གིས། ཚོང་ཟོག་ཉོ་མཁན་མང་ཆེ་བ་བོད་པའི་སར་ཉོ་བར་ཡོང་གི་ཡོད་པ་ནི་ང་ཚོ་བོད་པ་ཚོར་དམིགས་བསལ་གྱི་ལག་རྩལ་ཞིག་ཡོད་པའི་རྟགས་རེད་ཅེས་ཀུ་རེའི་ཚུལ་དུ་གསུངས་གནང་སོང་། ང་སྐུ་ངོ་བཀྲས་མཐོང་བསྟན་འཛིན་རྣམ་རྒྱལ་ལགས་དང་ལྷན་དུ་ཀ་རྡོར་སྒང་གསུམ་ལ་སྐོར་བསྐྱོད་འགྲོ་དུས་གནས་ཚུལ་མང་པོའི་ཐོག་ཤེས་རྟོགས་བྱུང་ལ། མི་མང་ཚོའི་སེམས་ཁྲལ་བྱ་ཡུལ་གང་ཡིན་པ་ཡང་མྱོང་ཚོར་བྱུང་། སྤྱིར་བཏང་མི་ཚང་མར་སོ་སོའི་འཚོ་བ་དང་ སློབ་སྦྱོང། ཡུལ་མིའི་དཀའ་ངལ་སོགས་ཡོད་ནའང་། ཁོང་ཚོས་སེམས་ཁྲལ་ཆེ་ཤོས་བྱ་ཡུལ་ནི་༧གོང་ས་མཆོག་དང་བོད་ནང་གི་བོད་མི་ཚོར་རོགས་རམ་གང་འདྲ་བྱ་ཡི་ཡིན་ཞེས་པ་དེ་ཡིན།
